Prinzenschlager Prinz Thomas II. (2022)

1. Strophe:

Alaaf leev Lückcher he em Saal, mer fiere hück dä Karneval.

Jebore einst en Rüsselsheim, en Wurringe flöck doheim.

Als kleine Jung hät hä nie jedaach: „Fastelovend es ming Saach“,

stund leever en der zweite Reih. Jetz es hä als Prinz dobei.

Refrain:

Der Ehrenamtler un der Jeck,

die han et Hätz om rächte Fleck.

Ne Prinz des MGV zo sin

es wie der hellste Sonnesching.

Prinz Thomas steit hück an der Spetz

ne jroße Draum erfüllt sich jetz.

Met Hätz, Humor un vill Gesang

jeit hä dat Spillche an.

2. Strophe:

Alaaf leev Lückcher he em Saal, mer fiere hück dä Karneval.

Sing Claudia, die mät im Mot, se hät Fasteleer em Blot.

Als Sängerin em Dörp bekannt, es däm Prinz sing rächte Hand.

Sing Kinder un sing Enkel klein sin des Prinzen Sonnenschein

Refrain: Der Ehrenamtler un der Jeck…

3. Strophe:

Alaaf leev Lückcher he em Saal, mer fiere hück dä Karneval.

Schnell wor em Dörp hä integriert, hat sich üverall engagiert.

Hä singk zick Johre em Kirchenchor, stund met Freude däm Kolping vor.

Prinz Thomas hät et schnell erkannt, wie wertvoll dat Ehrenamt.

Refrain: Der Ehrenamtler un der Jeck…

Bridge:

Un willst Du Dich ens engagiere

don et beim MGV probiere.

Denn met Freud un vill Gesang

häs Du Spass e Levve lang!

Refrain: 

Der Ehrenamtler un der Jeck…